Tom結婚通知書曝光
樂隊Mr.成員Tom（杜志烜）與o靚模何思諺（Leanne）宣布奉子成婚後，兩人於上周三到婚姻註冊處登記，二人的「擬結婚通知書」昨曝光，原來Leanne原名為何惠英，由於她到10月生日時才滿21歲，故她需要得父母簽紙同意才可結婚，且兩人報住同一地址於土瓜灣築愛巢。記者致電恭喜Leanne，她被問到築愛巢一事不作回應，但難掩喜悅，她透露不少好友更表明要送BB用品，又稱因懷孕要戒口。
o靚模蔡穎恩（Evelyn）前晚在活動上大方祝福舊愛Tom，並表示早已知情：「好開心，我係第一批被通知。佢哋係我最好嘅朋友，恭喜同戥佢哋開心。我已經諗咗買乜禮物畀BB。BB出世我會好錫佢。（同佢上契？）可唔可以唔做契媽，做契姐？」她透露已有追求者，希望跟新對象有好發展。
