DaDa多得Jeana擴充迷團
「百果園咪神」陳靜（DaDa）早前無奈捲入寫真戰罵戰，結果因禍得福，不少女影迷不滿何佩瑜（Jeana）的寸嘴，而轉投她的陣營。不過，DaDa大方表示不計前嫌，與Jeana再見亦是朋友。
「百果園咪神」陳靜今年以終極寫真攻打寫真戰，雖然無辜地捲入罵戰，卻因禍得福，贏得一群女粉絲。據知，Jeana因為言行出位到處辣火頭，同時辣㷫粉絲，紛紛轉投DaDa的陣營。問到DaDa是否真有其事？她直認不諱：「有，支持我嘅朋友都可以同時支持其他人，係有粉絲同我講覺得佢變咗，而我就仲係嗰個個性。」
女迷表態欣賞
DaDa好開心多了一班女影迷支持她：「有女fans同我傾偈時話支持我，鼓勵我唔好理人哋點講，覺得寫真製作認真，見到我嘅努力，話欣賞我。」
再見亦是朋友
談到Jeana四處辣火頭，DaDa真的「憤怒鳥」，她認為點宣傳都好，傷害到人就係傷害到人，不能當無事發生，應該要為自己的言行負責。被問到會否繼續做朋友，DaDa就話自從指她喊的報道出後，很開心收到Jeana發的道歉短訊，知道她無惡意，唔會鬧她，除非佢再次傷害自己，否則仍然會當她是一世的朋友。
Profile
姓名：陳靜（DaDa）
身高：167cm
體重：107磅
三圍：33D、24、34
文：專案組 攝：倪立煌 化妝：Kayte Fung 場地：麗星郵輪