呂慧儀被問價酬金好好
瘦身成功的呂慧儀，毫不吝惜fit爆身材，穿上Deep V於鬧市中露半球，引來一位大叔目不轉睛狂瞄。對於徐子珊自爆遭問價一事，慧儀不諱言有相同經歷，對方更直言「你個價好好」。
呂慧儀、名模趙嘉懿、「寇鴻萍女兒」唐貝詩、王晶女兒王子涵、王璐瑤及林熹瞳等，昨日出席《九龍表行旗艦店開幕禮》，其中穿以大Deep V上陣最為搶鏡，更吸引不少途人圍觀。
買名錶保值
問到呂慧儀是否很滿意酬勞，故性感上陣？她說：「都冇問幾多，淨係知道剪綵就着靚啲。」她透露有收藏靚錶嗜好，而且好保值，問她最貴買幾錢一隻錶？呂慧儀說：「十幾萬，依家努力賺錢，再買貴啲嘅！（叫男友送？）工作賺錢買到嘅，滿足感大啲！」
於訪問途中，有一名大叔突然衝入記者堆中狂瞄呂慧儀，望夠便匆匆離去！見慣大場面的她表現鎮定，更笑言：「今日有咁多花籃同人牆，已經係好好嘅保護！」問到徐子珊遭問價，呂慧儀表示亦曾有相同經歷，她說：「有人打過嚟問，我好想知佢係邊個，點解會有我電話，佢仲同我講『你個價好好』，我答佢我唔會做呢啲嘢。（冇興趣知？）我怕人以為我有興趣，加上自己都唔會做，所以唔會問。」
唐貝詩拒復合
同場的唐貝詩表示與前男友毛玉萍兒子Eric Yu再見亦是朋友，坦言因二人有很多共同朋友，所以還有見面。問到會否復合？她斬釘截鐵地說：「唔會啦，分手就分手。」她又透露已有追求者，但目前並不打算拍拖。而王子涵則表示將返英國完成學業，之後便會留港發展。
採訪：名人組