胡杏兒論視帝 黃宗澤入圍
今年無綫視帝、視后之爭已成熱話，兩個大獎同樣競爭激烈，胡杏兒與陳法拉都是視后的熱門人選，問二人對視帝有甚麼心水？杏兒說：「我好貪心喎！鄭嘉穎、黃宗澤、張智霖、Laughing（謝天華）都做得好，都係我心水，不過我撐嘉穎多少少，因為佢同我拍《怒火街頭》，佢做到脫胎換骨，冇人見過咁嘅嘉穎，而且個劇唔係大製作，唔聲唔聲有好成績係因為演員同劇本好。」至於法拉笑言雖現在講心水言之尚早，不過都透露了口風：「點都要撐天華同馬浚偉，一個係拍檔，一個係阿哥，兩個都做得好好！」
另外，黃宗澤出席大陸活動談到他心中的視帝只有師傅黎耀祥一人，對於杏兒撐他，他笑言杏兒不是高層，不用感謝。而歐陽震華昨接受查小欣訪問時一再否認《不速之約》是抄襲，至於《不》劇因首集遇上中秋假期，令平均收視只得26點。