《水舞間》一周年慈善盛典，邀得國際鋼琴大師李雲迪參與演出，吸引不少名人明星捧場。其中劉心悠專誠拿了一天假期前來欣賞，她說：「今次純粹係嚟睇表演，其實之前一直都好想睇，但最後都因為工作而取消，所以今次就特登放假嚟睇。（怕唔怕濕身？）唔怕，都預咗，如果真係有水花，我會用手遮擋。」
音樂人郭偉亮（Eric）及女友葉佩雯結伴而來，Eric表示對演出十分期待，他笑說：「之前《水舞間》一直有好多宣傳，自己刻意唔睇，想留番現場睇，咁先夠震撼。」他又謂希望能在匯演中刺激到音樂靈感，再創佳作。而龐維仁就大讚《水舞間》的演出非常高水平，絕對達到國際級標準，令他感到十分高興。此外，呂良偉及太太楊小娟亦親臨捧場。