謝安琪無愧：冇傷害任何人
謝安琪（Kay）早前受訪因一句「餵仔食屎」被網友狂插，令她與傳媒關係惡化，此事令Kay驚覺慎言的重要。
對於被網友猛烈批評，Kay重提舊事仍耿耿於懷：「我講呢句說話當然有我嘅意思，其實我係成功咗，令大家諗吓係咪真係咁衰呢？當一啲唔好嘅報道寫畀讀者去睇，就好似做啲咁差嘅嘢畀人食。」Kay坦言事件令她飽受抨擊，自己也不開心，怕被人誤會，事後她特別上網看反應：「發現好多人支持我，覺得係炒作新聞，我就好放心，所以我唔介意大家覺得我講呢句說話係咪失言。」
老公叫放鬆
雖然當時被萬箭穿心，但Kay沒想過退出：「我清楚自己講乜，我唔係硬頸同死撐，講每句說話唔能夠討好所有人，我覺得呢句說話冇傷害任何人，只不過比喻不負責任報道，我覺得冇問題，又唔係講粗口，亦唔係拎啲屎質人食。」她希望傳媒不要斷章取義，覺得只要自己有道理，就不需擔心。
另外，身為Kay老公的張繼聰，當然力撐老婆。他說：「佢唔係唔知自己講乜，佢係一個好叻嘅人，識得衡量同評估。」他又表示經常安慰老婆：「叫佢放鬆啲，有同佢講香港有言論自由，當你講完，就要容許聽其他人嘅說話，當然說話中有冇尊重就其次啦！」他笑言自己角色是氹老婆開心，兩夫妻最緊要互相支持。
文：音樂組