阿嬌失手翻以笑遮醜

Twins前晚到廣州舉行巡迴個唱，唱片公司高層吳雨及霍汶希等專訪捧場。分別穿上藍、紅露肩新衫上陣的兩人唱《愛情當入樽》時大打側手翻，但阿嬌不慎失手跌低，側手翻慘變失手翻！以笑遮醜的阿嬌對歌迷說：「我終於跌低咗呀！」雖然阿嬌失手，仍獲歌迷的掌聲作鼓勵支持。期間Twins唱出多首耳熟能詳歌曲，雖然開始時阿嬌有輕微甩嘴及走音，不過之後就愈唱愈好。

小豬每晚都喊

至Encore部分，Twins請來台灣舞王羅志祥（小豬）任嘉賓合唱《小酒窩》，掀起當晚另一個高潮。一向愛搞笑的小豬繼續發揮本色，指阿嬌沒有關注他的微博，令他每晚都在哭，Twins聽後即哭笑不得，蔡卓妍（阿Sa）更大讚小豬是天生的搞笑能手。

訪問時，阿嬌表示對今次個唱感滿意，問到打側手翻為何失手？阿嬌解釋：「因為對鞋好高，但綵排唔係着高踭鞋，所以個位唔係好就到，落地預唔到位。（失威？）唔覺得係咩，跌完起番身咪得囉！」在旁的阿Sa亦自嘲：「我都跌過啦！嗰時條片嘅點擊率仲好高！」Twins表示不會因今次失手而取消打側手翻的部分，只需換上另一對鞋便可，而下一站會到加拿大演出。

放大圖片	放大圖片	小豬在台上發揮搞笑本色，氹得Twins非常開心。