出爐威尼斯影后葉德嫻（圖左）昨日接受電台訪問，她自言性格與得獎角色相似在同樣八卦、愛照顧別人，望電影能引起注意，幫助老人家處理骨灰龕問題及身後事。她又百無禁忌稱希望捐出所有器官而「安樂死」：「唔介意畀你拎晒啲嘢，畀我有尊嚴咁死，如果依家可以以『葉德嫻式死』，想即刻死。」
提到曾於06年拍過亞視淨收3點的電視劇，她說：「幫我冚蓋咁滯，係人生污點！」至於當年羅大佑將她的「未滿意版」《赤子》推出，葉德嫻斷言事件看清友誼，更形容對方當她是「玩物」：「無問番，以錢行先嘅人唔係我朋友，（如果見到面？）會話佢好衰格囉！（道歉呢？）可以原諒，但唔可以忘記。」
