只戥影后開心 紅姑戲癮未起
鍾楚紅（紅姑）前晚以一身低胸中性打扮出席時裝品牌活動，並坦言有留意葉德嫻獲封威尼斯影后：「我同佢有合作過，佢好叻、好值得驕傲，好戥佢開心。（想同許鞍華合作？）我第二部戲咪拍佢囉，佢畀好多空間演員去發揮，想大家演得生活化啲。（勾起戲癮？）咁又冇諗，要拍十幾年前都拍咗啦，我淨係想活得充實，能夠貢獻社會就OK。」
紅姑情迷旅遊，坦言每年至少出埠六、七次去享受人生，故對復出拍戲全無計劃：「去旅行之餘攞啲資料返嚟寫Blog，可以向大家介紹多啲好玩嘅地方。」但由於愛躲懶關係，即使手頭有相關素材，她至今仍未立定決心切實當起作家。