超蓮怕被跟：拍拖都唔講
何超蓮前晚以low-cut豹紋裝性感示人，談到姊姊超雲自爆為男友陳山聰下廚，超蓮即謂：「我留學都有煲湯，有時會整嘢畀爸爸食，佢比較鍾意食甜嘅。」記者取笑她應該追求者眾時，超蓮笑得很玄，初時不願回應，最後堅稱仍單身：「就算有拍拖都唔講，費事二人行變三、五人行，好多記者跟住。（結過婚嘅追求者得唔得？）好難講，依家覺得淨係靚仔唔得，最緊要有內涵。」
日前一次過考獲棍波車牌的超蓮，透露爸爸有意送車給她，但遭三太陳婉珍阻止，她說：「如果買我最鍾意嘅粉紅色車，應該會係跑車，咁我新牌喎，媽咪就叫爸爸畫架畀我算啦！不過我都覺得暫時冇買車嘅需要。」