陳山聰戴「婚戒」承諾保護超雲

陳山聰與今屆港姐冠軍朱晨麗昨日到MIKIKI商場為BLU SPA主持剪綵儀式，但山聰比原定剪綵時間遲了15分鐘到場，他受訪時解釋：「唔知，經理人話係呢個時間。今日唔係咩正式復工，上次都有出過嚟，只係冇做訪問。」問到『雲山戀』後有沒有加酬勞？他說：「冇問呀，一向都係有嘢做就做，合理價，工作量同以前差唔多。（依家唔憂做？）唔係。」

談到三太陳婉珍指如果超雲有了BB會幫手湊，山聰則說：「呢啲只係假設性問題。（你哋好小心？）咁私人嘅問題唔答喇，我當然會好好保護佢啦。」山聰似乎快速融入何家，中秋更有份陪賭王賞月，大有機會當賭王的乘龍快婿，山聰否認說：「我只係超雲嘅男朋友，我都知大家關心我哋嘅感情事，希望大家畀啲空間我哋。」

超雲和山聰自公開拍拖後，兩人明顯「心廣體胖」，山聰錫住超雲說：「佢冇肥喎，咪同之前差唔多，佢都係食好少嘢。我就之前跑馬拉松暴瘦啫，依家都係肥咗幾磅，嚟緊開劇做大富商要肥番少少，太瘦唔夠Power架。（何家女婿條件係咪要肥肥哋？）我都話我只係何超雲嘅男朋友。」

放大圖片	朱晨麗（右）與陳山聰（左）昨日出席剪綵活動，齊齊搵銀。

否認遭無綫雪藏

山聰又否認只顧拍拖不拍劇而遭無綫雪藏：「冇收過雪藏通知，之前屋企突然有事同公司請咗假，之後就去咗英國接超雲，以往每年我都有三、四個月放假冇開工，以前你哋冇咁留意我啫。處理好屋企事又未接到劇咪放假囉。」山聰指公司也了解事情的來龍去脈，故沒召見他解釋，早前跟超雲與樂易玲飯聚傾偈亦不是為「破冰」，並強調與樂小姐向來溝通良好。

採訪：影視組