區文詩香港冇市場轉冧老外
歌手區文詩（Angela）前晚帶同疑似老外男友出席電影《兒凶》首映，二人甫見記者即保持距離，老外更面紅耳熱兼用手掩面，最後三催四請才尷尬合照。Angela春風滿面指對方是美國長大的意大利人，因工作而相識兩個多月，現仍是朋友關係，不介意被老外追求。問到前男友鈴木仁如何？她說：「冇晒聯絡，我哋係和平分手！（唔揀香港男仔？）佢哋唔鍾意我，Market少呀！」
另外，蕭定一與石詠莉亦有到場，蕭定一透露父親蕭若元戥葉德嫻於威尼斯封后感開心：「爸爸同葉德嫻感情深厚，不過婚後都冇聯絡。」而石詠莉則祝福舊隊友甄詠珊簽約亞視，希望對方成功。
