趙碩之曬胸揸Q減壓

趙碩之多年前憑火辣寫真殺入娛圈，成績不俗，今年她再戰江湖，於書展推出寫真集，更不停出席活動搏到盡，如今寫真戰雖已告落幕，但因近期工作排得密不透風，未能外出旅遊，她只好趁空檔在香港搵地方去曬太陽及打桌球減壓。

日前身穿背心熱褲的碩之獨自到泳池邊曬太陽，為免曬傷靚靚肌膚，她一到泳池邊即拿出太陽油左搽右搽。當她俯身為長腿搽油時，36D美好上圍盡現，令其他泳客大飽眼福。搽完雙腿後再搽面、頸及上身，期間她更胸前「自摸」，相當養眼。

趙碩之為胸部搽太陽油，相當養眼。

碩之一邊食雪糕一邊曬太陽，非常識歎。

每棍例不虛發

曬完太陽後，碩之到桌球室篤波，雖然一個人打波自娛，但她依然十分認真，每篤一個波都會瞄完一輪先出手，眼神凌厲，當她伏在波枱上篤波時更險些走光。碩之每一棍都例不虛發，最後更一Q清枱，球技有板有眼。

雖然可以抽空休息，碩之曬太陽和篤波時都愁眉深鎖。事後記者致電給她，問是否因壓力太大？她笑說：「唔係，只係當日天氣太熱，熱到冇乜笑容！」另外，碩之前晚穿露背裝出席活動，她透露將去內地及馬來西亞做騷，笑言會考慮學其他o靚模打碟搵錢。

文：影視組