Kenny軒仔口徑一致 鬧黐線
關智斌（Kenny）對緋聞密友張敬軒被的士司機辱罵，他接受電話訪問時大鬧司機「黐線」，讚好友罵司機罵得好：「呢啲咪歧視同偏見囉，雖然中、港兩地文化唔同，但都唔應該咁樣罵人，咁做咪搞到世界唔和諧囉，我覺得每個地方嘅人要互相尊重。」他又說如事情發生在他身上，也會如軒仔一樣鬧對方chi Q sin。Kenny又指無禮司機比軒仔家中的大蟒蛇更恐怖。
另外，Kenny和張致恒昨以組合BOYZ身份出席活動，對於軒仔和歌手許廷鏗傳緋聞，他一副慶幸樣說：「甩難啦。」
他與其他歌手不時到軒仔家中作客，故不覺是新奇事。談及許廷鏗可用軒仔的私家咪，Kenny說較恨和軒仔的菲傭合唱，因她唱國語歌好好聽，他說：「我唔會為軒仔有新緋聞而呷醋，我哋嘅緋聞傳咗多年，外界唔覺悶，我先至不厭其煩繼續回應。」