詩詩未知做業主
甄子丹透露在上海置業送給太太汪詩詩，但詩詩卻說不知情！難道是一份未送出的驚喜禮物？她笑說：「屋企財政係我管，如果佢要投資呢方面嘅嘢我會知道，（可能佢用私己錢買？）冇可能。不過可能佢知道我屋企背景係上海人，我哋都會成日返去探親，而且我哋傾過都覺得依家中文同國語都好重要，如果有時間都會畀啲仔女上去住幾個月，感受吓人哋嘅文化，或者佢真係想畀驚喜我！」
相差18載冇問題
雖然比子丹年輕18歲，但外國長大的詩詩處事成熟，問到兩口子溝通可有問題？她鬼馬地說：「其實男人同女人本身諗嘢就唔同，因為男同女思想係有分別。佢（子丹）雖然大我18歲，但我真係唔覺得似，所以我哋基本上相處得冇問題！」