葉德嫻63歲封后:有乜咁巴屎閉?

葉德嫻(Deanie)榮登威尼斯影后,消息傳來振奮電影同業,領獎時她表現淡定,操意文答謝大家支持,且謙虛自貶謂:「有乜咁巴屎閉啫?」她更坦言會反思人生及重整未來,老年不想住進老人院!

Deanie姐昨日凌晨憑《桃姐》打低一眾強勁對手,躍登「第六十八屆威尼斯國際電影節」影后寶座。當司儀讀出她的名字時,今年六十三歲的她表現淡定,上台後以英語感激導演許鞍華及策劃施南生等,再改以意大利文答謝在場人士支持,期間亦禁不住眼泛淚光。

當頒獎禮完成後,Deanie姐出席大會慶功宴,難抵美食誘惑大吃起來,再由無綫娛樂新聞台主播周奕瑋陪伴返酒店休息,期間她竟搞笑叫對方代為保管重達近十磅的獎座,又搶了咪高峰「反客為主」做訪問,風騷非常。

唔想住老人院

對於今次揚威威尼斯,Deanie姐覺得全賴團體合作精神,故不諱言會將獎座放在電影公司內以作紀念。由於《桃》片曾往老人院內取景,不少院友也曾充當過臨時演員,故她也表示想將榮耀與他們分享。談到上台一刻,Deanie姐笑說:「叫自己一定要淡定,唔好行行吓仆喺度,條裙唔好拉咁高,講嘢要定啲,唔好失禮香港人。(再接戲?)自己戲路窄呀,要睇劇本囉,唔啱無謂累老闆啦,總之好多謝大家,包括記者嘅支持。」

接受外國媒體訪問時,Deanie姐則幽默表示:「今次演完一個七十幾歲嘅角色,我諗我係時候計劃未來,我唔想住老人院,亦唔想成為人家嘅負累。」

Deanie姐得獎不忘提及已離世的母親,且感觸表示「冇佢就冇我」。她又以自身告誡後輩:「攞獎都要抽離啲,唔好太飄飄然,呢啲獎每年都有人攞,有乜咁巴屎閉啫?(再同許鞍華等以黃金組合形式再合作?)我想有新互動,唔想炒冷飯。(返到香港最想做咩?)聽聞香港有大風同落過雨,所以想返屋企睇吓有冇亂晒大龍。」

獲港府發賀電

身為影展主席評判的Darren Aronofsky則大讚Deanie姐漂亮及年輕,讚揚她演繹角色恰到好處,得獎實至名歸。據悉,Deanie姐昨忙於收拾行李返港,預計今早會凱旋而歸。

導演許鞍華與真人版Roger則與Deanie姐分道揚鑣,轉飛加拿大出席多倫多國際電影節繼續宣傳,約於18日返港,電影公司則打算周內舉行大型祝捷會賀Deanie。雖然《桃》片氣勢如虹,不少網民也留言表示很想先睹為快,但電影公司卻未有因此改變上映檔期,初定明年二、三月才讓電影曝光。而商務及經濟發展局局長蘇錦樑則代表港府,向Deanie姐發出賀電,表示她的傑出成就再次印證香港電影從業員的努力獲得國際認同,Deanie姐得悉後形容此舉令她喜出望外,寄語港府全力助影業發展一臂之力。

文:影視組

第一手消息請瀏覽on.cc 東方互動《即時新聞》