阿佘毛茸茸變大腳八
【葉少文成都直擊】佘詩曼、古天樂及內地女星秦嵐前晚到成都出席鞋店Joy & Peace的花生騷。自認是鞋癡的阿佘，喜獲大會送上數對靚鞋，並對其中一對毛毛靴情有獨鍾。她說：「冬天好鍾意着毛毛boots，我喺八月已經入定貨，驚冬天斷貨呀！」阿佘笑言因靴子內外都有毛，故穿上後變「大腳八」：「着咗之後，隻腳大咗三個size呀，哈哈！」
至於受腳傷困擾的古仔，從台上的大鞋盒中「升起」。撐拐杖的他需步行一小段樓梯落台，加上台上營造了飄雪效果，令他步步為營。他說：「都擔心架！所以揀咗對特別嘅鞋。」早前售出獨立屋賺到笑的他，直言暫不打算在內地投資：「投資方向不嬲都係自住，除非打算搬上嚟同家人住，而賣屋啲錢打算儲起佢先。」