高海寧大賣口乖

高海寧昨日為時裝活動擔任模特兒，問到她有否留意陳志雲涉貪污案罪名不成立一事？她表示一直有留意相關報道：「我好戥佢開心。（搵佢？）我冇同佢contact，但佢成日都笑面迎人，又平易近人，依家又有多一個好上司統籌公司。（樂易玲指證佢喎，佢哋不和？）未聽過，唔係指證，係法官要證供，冇衝突嘅。」問她跟志雲和樂易玲哪位較熟？她即大賣口乖說：「佢哋兩個都係我上司，兩個都係我好尊敬嘅人。」有報道指陳志雲回歸無綫後將力捧愛將，問她會否感到受威脅？她大方回應：「最緊要做好自己本分，而且監製都會畀機會我，觀眾鍾意就得！」