志雲笑晒回城 安樂交戲
無綫電視廣播業務總經理陳志雲貪污案脫罪後，昨日首天返回電視城上班，如何面對曾在庭上句句舌劍唇槍頂證他的李寶安及樂易玲變成全城最期待一刻，不過三人昨首日「交鋒」卻視帝、視后上身，笑面迎人合演《同事三分親》，交足晒戲！
有傳誓與李寶安鬥長命的志雲昨日首天復工，吸引數十記者晨早入電視城採訪，連沒有駐台記者證的亞視、有線亦派員到場，無綫員工亦人人抱着等睇好戲的心態，欲看武士復仇的志雲，如何與上司李寶安及下屬樂易玲繼續「合作」。據知，志雲昨日主要與節目部開例會，聽取同事匯報節目編排，李寶安與樂易玲毋須與會，但由於雲、安同在10樓工作，樂易玲雖在8樓，但上落樓層時有碰面，有無綫員工昨亦見到三人碰面，三人都笑笑口，未見任何火藥味，三人將於今日周二例會正式「拗手瓜」。
發表一分鐘講話
李寶安約於早上九時駕車返抵無綫，但只揮手微笑，有記者問他會否與志雲食早餐，他未有回應便搭升降機上樓。約半小時後，陳志雲則從另一通道駕車返到無綫。數分鐘後，志雲在曾醒明陪同下見記者，精神飽滿的他發表一分鐘講話：「早晨，大家好，我冇特別嘢要發表、評論，但曾生（曾醒明）話大家好想見我，所以我同大家打招呼。我真心問候因為採訪我而跌親嘅傳媒朋友，甚至有啲有財物損失，因為我見到好多電話、手袋跌晒喺地下，喺呢度我想問候一下同業。我帶住感恩嘅心返工作崗位，將會同同事精心策劃好節目，希望透過不同平台將娛樂資訊帶畀觀眾，多謝大家。」之後只說聲「多謝」便轉身上樓。
志雲工作至傍晚６時半離開，取車時見記者採訪亦合作地放下背囊讓記者影相，但未有回答記者提問便面帶微笑揮揮手上車。
傳內部士氣滑落
而樂易玲則約於10時半現身員工餐廳走廊，邊行邊講電話的她見到記者時表現愕然，被問有否見志雲？她說：「日日都見。」而早前她聲言無綫員工在志雲獲判無罪後士氣高企，但據知情況正好相反，有隸屬雲、安的無綫員工擔心，預期二人往後必有內鬥，下屬難免會受影響，士氣正滑落，就連不少網友也表示會「食定花生等睇戲」，還預期「兩幫人馬以後有排鬥」。
文：影視組