陳敏之兩邊賣口乖

被指為屬於「志雲派」的無綫花旦陳敏之和陳法拉,昨日與郭晉安為新劇《東西宮略》試造型。問到是否因是陳志雲愛將才有此機會?敏之說:「唔關事,個幾月前已落實。(你係精忠志雲派?)佢係我好老闆、朋友、亦係我師傅,教我做司儀,大家冇黨派,都係自己人。」雖屬「志雲派」,但敏之亦賣口乖多謝樂易玲幫她爭取演此角。談到志雲復工對她有利,她說:「冇諗,佢冇事已經好感恩,之前都擔心好耐,因為自己係『證人』身份,唔方便講太多嘢,依家佢冇事鬆一口氣,我有SMS問候佢,佢回覆『一切安好』。」

至於法拉於劇中演鍾無艷,她表示有留意志雲復工,問到是否「志雲派」?她講笑說:「之前都話我係珍姐派(曾勵珍)、樂小姐派(樂易玲),乜派都做過,除咗反派。」郭晉安則恭喜志雲雨過天青,他說:「之前都熟過一排,但之後我要湊仔同返內地做嘢,少咗聯絡。」

另外,法拉昨日為新劇拍外景時,巧遇曾有留意她演出的影帝周潤發,令法拉雀躍萬分,還將合照放上微博,並寫道:「發哥站在背後看着我演戲,我努力想集中精神,哎呀,那個壓力大到啊!」而呂慧儀亦有與發哥合照。