唐貝詩無厘頭分手眼紅紅

唐貝詩(Lydia)昨日出席時裝騷,同場還有模特兒趙嘉懿及趙哲妤等,Lydia親口承認已跟男友、毛玉萍兒子Eric Yu分手。問她心情平復了沒有,她眼紅紅地說:「冇嘢。(點解分手?)唔知。(係咪佢飛你?)唔知。分手前我哋有傾過。Anyway我哋已經分咗手,係我講分手嘅,唔想講details。」

對於有報道指分手是因為她愛夜蒲,她否認說:「我唔知點解會咁講,我鍾意同啲朋友去飲嘢,佢都有。我哋唔係因為呢個原因分手。(有冇涉及第三者?)我冇,佢都冇。(你哋分開咗幾耐?)分開咗一陣。(有冇掛住佢?)唔會。(接唔接受新戀情?)暫時唔會。」她坦言暫時跟Eric已沒有聯絡,不知道將來可會復合,自己亦有少少不開心,至於兩人是否再見亦是朋友,她說:「睇吓點。(見到佢媽咪會唔會尷尬?)唔會。(你媽咪知唔知?)唔知媽咪知唔知,報道尋日先出,佢今日返嚟。」

另外,毛玉萍昨日在微博透露與兒子去旅行:「秋風送爽,學生開學了去讀萬卷書,我帶兒子去行萬里路。我們的旅行一定溫馨而愉快。」可見Eric心情沒有受分手影響。