陳沛嘉開腔承認等辦離婚

去年Balia夫婿彭文堅當街攬女斷正，雖然事後Balia已原諒對方，並多次力撐老公，不過二人婚姻始終未能修好，前晚她出席美酒活動時，一直沒有承認婚變的她是夜終開腔剖白婚姻狀況。

永遠係最好朋友

Balia表示與老公彭文堅已共識離婚，但基於對方的工作關係，不想多談，待一切手續辦妥才向大家交代，她說：「喺呢段關係裏面佢一直好照顧我，但失誤每個人都會有，無論以後大家係乜嘢關係，佢永遠係我最好嘅朋友，我會永遠支持佢！」

彭文堅於去年被本報拍得當街攬女斷正。（資料圖片）

陳沛嘉與彭文堅於09年結婚，惜婚姻只維持兩年。

Balia否認已跟老公分居，謂大家仍一起居住，但對方常不在港。她續說：「今年自己經歷家父不在，所以個人都變得獨立咗，識得照顧自己。」

黎明聞妻即板臉

此外，同場的黎明被問到酒量如何？他笑說：「唔攰都OK，（千杯不醉？）千杯死梗，50杯都過唔到。細個唔識飲，嘔得多有經驗，依家識防止，以前飲完酒都會揸車，不過依家有條例就唔會酒後駕駛。」

談到太太樂基兒822生日？黎明即板起臉說：「冇必要講呢啲，其實傳媒同藝人講嘅嘢未必有人想睇，我知有人鍾意八，不過我覺得完全冇宣傳效果，因為我已經唔需要講樂基兒嚟做宣傳。」

文：名人組