日前流傳多張本地o靚模Hidy（余曉彤）跟台灣天后蔡依林（Jolin）男友錦榮的親密合照，她承認前年在泰國因工作關係認識錦榮，當時他仍未與Jolin撻着，兩人經常結伴夜蒲，Hidy大讚對方靚仔，與他的關係是難以形容的「connection」，但他們甚少單獨夜蒲，多數都三五成群，並強調沒有過電。
不過Hidy男友睇相後擔心不已，故她昨日特地以性感比堅尼陪男友潛水補鑊：「好彩男友好信我！」Hidy又說認識錦榮時他未識Jolin：「當時佢係唔鍾意台灣鄉土味流行曲，唔知點解突然轉口味。」似暗寸Jolin「娘」爆。