婷婷讚栢芝工作幾豐富
昨晚謝婷婷出席桌球活動，表示早前和哥哥謝霆鋒慶祝生日，婷婷說：「好耐冇同佢過生日，好開心！佢心情OK，有咁多人出席慶祝，爸爸都喺度，媽咪喺新加坡嚟唔到，媽咪仲呷醋話：『你就好啦！可以同哥哥慶祝。』」
她續說不知道張栢芝當日有否短訊賀生日，只說哥哥甫下機即看兒子，已是他最想要的生日禮物。
對於有指Lucas只上了一日課，婷婷稱不會打給栢芝了解，只會問哥哥，因哥哥很緊張兒子返學。此外，婷婷說沒看過栢芝的被虐短片，至於會否認為栢芝很大膽，她說：「工作上係幾豐富。（私底下？）唔清楚。」
問到會否介紹女友給哥哥？婷婷說：「都唔會，我自己啲女朋友都已結婚生仔，同埋佢咁忙，而且自小佢唔係出去識女仔嘅人。（啲女仔自己飄埋嚟？）都有。」