藝人尹揚明日前搭東鐵與男乘客打架，他說：「當晚我飲咗酒，好攰，除咗鞋放對腳上對面位抖，有紋身男話我身為藝人點點點……『除埋條褲吖』。我係唔啱，但佢講完又講，仲問候埋雙親，郁手郁腳，惟有武力解決，後來雙方同意和解，皮外傷冇嘢，冇睇醫生。（影響生意、太極會務？）一切正常，我有同師傅講唔好意思，佢話冇所謂。」
