黃耀明唱到急死忍

歌手黃耀明前晚為《暗中作樂》擔任表演嘉賓，除了樂隊人山人海外，更邀請到內地視障歌手周雲蓬一齊jam歌，明哥表示：「漆黑一片聽佢唱《中國孩子》呢首歌，真係會毛管戙，好感動！」提到吳雨霏於同樣的音樂會上懷疑空間幽閉症發作，明哥表示得知一二，但自己未有這種問題，他說：「係會有少少唔習慣，有時個心會離一離，但我可以接受，不過有一場我唱唱吓好急，都要忍到最尾先出去後台，因為唔係好似平時咁出入自如！」他坦言體會到失明的不便，故會好好保護自己的視力。