阿佘撐嘉欣上位視后

雖然不再是無綫經理人合約，但阿佘近日仍忙於為無綫拍新劇《4 In Love》，前晚就在旺角西洋菜街一大廈天台拍攝外景，阿佘一身六十年代造型十分搶鏡，與郭少芸及三十多位臨時演員開工，其中大部分臨時演員是外籍人士，原來戲份講飾演演員的阿佘拍攝荷里活科幻片，故有時需戴白色隱形眼鏡，阿佘說：「戴住白色隱形眼鏡睇嘢比較矇，所以有啲辛苦。」

視帝睇好天華

談到年底的台慶頒獎典禮，觀眾開始留意誰是視帝、視后熱門人選，問到阿佘心水？她坦言：「視帝唔使問一定揀Laughing哥謝天華，我哋Friend底，撐咗先！我都知《潛行狙擊》收視好，要揀真係難為我哋，（視后呢？）《點解阿Sir係阿Sir》嘅鍾嘉欣同《魚躍在花見》嘅胡杏兒都做得好，（你自己有冇信心？）我就真係未必喇，因為我都未必出席到，九月就要返內地拍大陸劇《建元風雲》。」

阿佘跟無綫脫離親生關係，但拍攝時亦相當專業。	謝天華獲阿佘睇好攞視帝。(資料圖片)	視后方面阿佘則睇好鍾嘉欣。

此外，在嚴夏拍外景，工作人員都特別辛苦，但阿佘亦表現專業，她坦言在晚上拍攝已不算辛苦了。文：影視組