霆鋒牛一返港見孖寶
正辦理離婚手續的謝霆鋒與張栢芝，聲明會共同管養兩個兒子，昨日是謝霆鋒三十一歲生日，愛子如命的他，雖忙於在內地拍劇，但仍返港跟一對寶貝仔共度牛一。昨午近十二時，霆鋒由兩名助手陪同下由上海返港，心情不俗，臉帶笑容，問到生日願望？他幽默地笑說：「打你三拳得唔得？（你打咗開心咪打囉！）你都幾好笑。」期間有攝影師險些撞到途人，他搞笑說：「唔好借啲意揩油喎。」
霆鋒邊行邊答記者，雖然一句半句，但他表示不重視生日，問到生日願望他也顧及一對兒子，是否希望他們快高長大？他即點頭。對於有傳他將搬屋，他否認說：「唔係，我成日唔喺香港。」霆鋒登車後直奔金鐘寓所`休息，下晝兩點半他再出動，問是否去接囝囝放學？他說：「佢放咗學啦，依家去陽明山莊。」霆鋒跟一對兒子溫馨共度了三個半小時後離開，問他可收到生日禮物？他說：「有。」再問他囝囝有沒有送禮物？他則沒有回應。至晚上謝賢、老友伍允龍、安志杰齊到金鐘寓所為霆鋒慶祝生日。
事前記者致電四哥謝賢，他扮傻不記得霆鋒生日，也扮作不知霆鋒返港，當四哥抵霆鋒寓所時死口不認見兒子，他說：「我嚟搵朋友，（霆鋒返咗嚟？）咁順路見下。」
