陳嘉桓瘦身成功峰頭不減

身材苗條的Rose昨日出席三皇集團旗下修身產品於莎莎舉行的《當糖輕．當堂瘦》活動，Rose以小背心與熱褲亮相，大晒修長美腿，顯得活力十足，吸引不少途人圍觀，還有不少fans一早到場舉牌高呼，場面熱鬧。

夏天未過繼續喼弗

Rose透露吃了瘦身產品後身形更加fit，但上圍卻未有因此而縮小，加上夏天未過，都會繼續keep住身材。她說：「冇呀，上圍冇縮到呀，但身體健康咗。」Rose又表示滿意自己身形，現時每個月都會留意自己的修身程度，亦會keep住做運動。

Rose派雪條，大受途人歡迎。

Rose與三皇集團董事總經理王賢誌品嘗香蕉形雪條，為炎夏消暑。

朋友家影相好平常

另外，Rose的緋聞男友林峯，近日網上流傳酒吧女芳芳，上載了不少她在林峯家中的照片，惹來非比尋常關係；Rose就表示一班人上朋友家影相好平常，但不清楚相片原來是女方的自拍照。至於有否曾獲林峯邀請上其寓所作客，Rose就否認說：「無端端唔會去，佢冇邀請我呀，我哋只係工作拍檔。（覺唔覺林峯犯桃花？）有桃花好事呀，個人nice同高尚人緣先好。（咁潘霜霜在微博鬧你八婆？）我有睇過，但我覺得係惡作劇，應該係第二個專登用佢account。」至於會否認為內地女生喜歡利用人，Rose就表示不願置評。

文：名人組