方力申攞正牌沙灘獵艷
方力申在新片《戀夏戀夏戀戀下》中飾演有愛情目標的宅男，與內地演員張馨予有親嘴戲，張馨予還說獻出了銀幕初吻給小方。
原來今次能跟張馨予合作，對方力申來說是有莫大好處，他說：「當時我正在橫店拍戲，日日對住陳國坤，每日在冰天雪地拍十幾粒鐘，拍到叫救命，咁啱接咗《戀》片，就由地獄回歸天堂，去海南島拍外景，開正我嗰瓣，日日游水曬太陽，名正言順沙灘(目及)女，頭幾日好興奮，當正自己係龍友，帶備長短鏡沙灘獵影，但一星期後開始迷惘，見得靚女多，已經分唔到邊啲靚邊啲唔靚。」小方笑言開始明白三級男星的苦況，拍得床戲多，對女人會冇反應。談到愛情觀，方力申就拘謹起來，含糊說：「順其自然啦。」再問他是否指鄧麗欣，他即轉移話題無厘頭說句「細水長流」。