樂易玲：今次真係離晒譜！
對於林峯發聲明指摘不實報道，無綫製作資源總監樂易玲昨日亦出言力撐，她表示林峯乃公司一線演員，形象很重要：「如果係佢自己唔小心，同埋真係發生過件事，咁佢要承受就冇辦法，但今次真係離晒譜！啲相係林峯擺入伙酒時影嘅，其中廁所同客廳兩張相都唔係喺佢屋企影，亦令芳芳同佢老公唔開心，無辜牽連入內！」今次就連林峯母親亦有致電給她訴苦：「上次潘霜霜事件已經令到林峯好傷，自閉咗好耐，啱啱先起番身投入工作，依家又一次打擊佢！」
樂易玲表示雜誌刊登報道後，有記者向她求證事件，當時她已否認有些相片攝自林峯家中：「但唔明點解《蘋果日報》依然照出，林峯發聲明時已徵求公司同意，之前咁多單報道，好影響公司形象，嚟緊會開會討論有乜嘢可以做。」