林峯被屈搞到抑鬱

對於《蘋果日報》及《FACE》先後指林峯跟舊愛潘霜霜拍拖期間，搭上廈門同鄉芳芳，並刊登了與事實不符的照片，現身處北京拍攝《忠烈楊家將》的林峯昨日透過律師向《蘋果日報》及《FACE》發出聲明，怒轟失實及歪曲的報道，他接受長途電話訪問時說：「一直以來有好多失實、負面報道，我都一笑置之，但係今次忍無可忍！自從潘霜霜事件後，我承諾咗要努力工作，今次件事出嚟搞到好似我講大話咁，超越咗我嘅底線！我覺得做嘢辛苦，都唔會退出呢一行，但令家人擔心，先至令我想放棄！」

怒斥有違記者操守

林峯透露該報道中所刊登的照片，實為幾年前他請同鄉慶祝新居入伙時所攝，當中除了睇獎及狗相外，其他都並非在他家中拍攝，而且已是多年前的相片，他痛心的說：「樂小姐已經同記者講咗唔係真，但係佢哋都依然咁寫，有違記者操守！」他入行以來都未採取過發律師信這樣激進的舉動，但今次令他的家人傷心，他實在無法接受，而他跟芳芳已多年無聯絡，芳芳亦已結婚，他擔心報道會影響芳芳家人。

與粉絲合照也猶豫

林峯黯然表示不實報道亦令他身心受創，長期抑鬱之餘，對人也留有陰影，他痛苦地說：「去到同學、朋友聚會，佢哋都唔敢同我影相，就算有影都特登問我可唔可以將相放上網！出街有粉絲要求合照我都會猶豫，喺陰影下做人好辛苦！」另外，《東張西望》主持昨晚亦於節目內讀出聲明原文，以正視聽。

文：專案組