鄭融自嘲樣衰冇校花運
鄭融前晚出席一個校花校草活動，她笑言讀書時沒想過當校花，因看回讀書時代的照片，鼻扁又單眼皮，膚色如黑炭，現時跟以前相比確實漂亮不少，不過她強調自己沒有整容或後天加工。問到何故變靚？鄭融笑言：「唔知點解o架，到中三、四時個樣開始變囉，我覺得係念力，因為我細個成日同自己講要靚啲。」
另外，同場洪卓立（Ken）亦被傳整了個「蝦餃仔下巴」兼因鼻頭有「坑」被暗指隆鼻，Ken澄清：「個鼻係天生，冇隆鼻，如果有得揀反而想隆胸，因為想有『胸肌』！」記者取笑他鼻頭有「事業線」？Ken笑謂：「相士話呢條係桃花線先真。」
