謝天華鬧爆雜誌無恥作料
謝天華因劇集《潛行狙擊》再度人氣急升，近日卻被某雜誌指他經常夜蒲，老婆Tina想生兒育女他又不配合而吵架，對於不實報道，天華於微博上怒斥該雜誌亂作一通：「真係無恥，狗仔跟唔到料，就自己作料，亂作一通，不擇手段。」更叫讀者認清楚他們的胡作非為，獲太太及苗僑偉夫婦留言力撐。
「唔好寫我屋企人」
記者致電天華，他直斥這些報道老作，更影響他的家人，他說：「唔好單單以一句據知情人士透露就傷害人，老婆都好嬲，（你呢排紅嘛！）我好明白呢行嘅遊戲規則，但我強調好多次，你寫我冇問題，但係唔好寫我屋企人囉！」問他那何時生BB，他謂：「順其自然啦！有小朋友自然踏入人生另一階段，不過我哋依家都好享受二人生活。」