許廷鏗處男開唱肉緊Chok鳥
樂壇新人許廷鏗（Alfred）前晚舉行處男演唱會，穿上窄身褲的他「激凸」出場，由於Alfred不停夾腳令「何B仔」位置實在吸睛，肉緊獻唱時他更「Chok王」上身，事後笑言做得藝人一定要夠Chok！
《超級巨聲》出身的許廷鏗（Alfred）早前推出的專輯反應理想，唱片公司食住個勢前晚為他舉行處男音樂會，其父母、無綫高層樂易玲、師姐鄭欣宜、早前慘遭「博友」留言勒索的吳若希亦有捧場，樂易玲聯同唱片公司高層何哲圖上台頒「金唱片」給Alfred，樂易玲還笑言：「恭喜你新碟有金唱片銷量，講時講，其實你笑起嚟都幾甜。」
「斗膽」獻唱四大歌曲
由於Alfred以窄身褲上陣，加上不時夾腳，造成「激凸」效果，期間衝落台與好友擁抱，一度感觸落淚。Alfred除獻唱新碟歌曲外，還斗膽在樂易玲面前唱「四大」歌手陳奕迅（Eason）歌曲，更high到不停擺出「Chok王」姿勢，引得歌迷o依嘩鬼叫。
問到Alfred是否「激凸」？他說：「吓！唔係嘛！我冇諗太多，只係投入唱歌，呢條褲係我自己平時着開。」Alfred被取笑是「Chok王」接班人？他說：「藝人某程度係要Chok。（唱Eason嘅歌唔怕敏感？）唔怕，都冇牴觸，加上大會叫我唱多啲Eason嘅歌。」曾被拍得與女同學拍拖出街的Alfred否認拍拖，但大方表示對方有到場。
採訪：音樂組