江若琳箍牙節食豬扒變索
擁有明眸皓齒的江若琳（Elanne），曾被爆青春期時矇眼兼哨牙，惹來整容疑雲。正所謂「事過必留痕」，Elanne坦承當年「扒過」，亦直認為加入娛樂圈箍牙及減肥，誓除「扒」名！她說：「我唔介意人哋批評我唔夠靚，如果我真係整過，點解唔整靚啲呢？呢啲瑕疵正好證明咗我冇整過！」
Elanne澄清當年的「趕客照」只是電影《十七歲的夏天》的劇照，其他相片均相當「見得人」，令她慨嘆娛樂圈有欠公允：「點解冇人搵嗰啲相出嚟講句公道說話？」她又強調其童年照均「眼仔碌碌」，絕無「後天加工」，極其量只曾箍牙：「我認青春期嗰陣唔知點解哨牙哨得『極其樣衰』，啲牙爆晒出嚟，連嘴都合唔埋，同學都笑我係哨牙妹。」
身子變弱見暈
為了「醜女大翻身」，Elanne付出不少，但絕不後悔：「除咗忍受箍牙之痛，天生為食嘅我又要忍口減肥，最勁試過一日淨係食一個蘋果，搞到依家成日病同見暈！」她又不諱言若非當年「死忍爛忍」減肥，今日便不會獲公司重用，亦沒機會在歌影視界發光發熱。
文：影視組