黃奕葉璇露微波失色
內地女星黃奕、葉璇前晚出席首映，葉璇身穿girdle透視晚裝又盡騷美腿；黃奕則穿deep V晚裝露微波。兩女施展渾身解數，可惜「峰」頭仍不及影帝劉青雲，因冷氣太大他凍至胸前「飛釘」，憑搞笑怪招成全場焦「點」！
由於古天樂受腳傷影響，《竊聽風雲２》前晚首映交由劉青雲、吳彥祖及葉璇、黃奕等撐場。首映向來是女星爭妍鬥麗的「聖地」，前晚葉璇、黃奕分別以girdle（束胸）透視晚裝及deep V晚裝亮相，葉璇以「阿婆底」打底，可惜兩女「睇頭」有限，只靠微微「事業線」養眼。
向黃奕「撒嬌」
不過任憑兩女使出渾身解數，始終不及由郭藹明（Amy）為丈夫劉青雲悉心安排的「戰衣」搶鏡，身穿針織線衫的青雲，因現場冷氣過大凍至雙手冰冷及凸點，當記者大讚他凸點很性感時，青雲更作尷尬狀向扮演其妻的黃奕「撒嬌」求救，並以普通話「你們真淘氣」回應，認真搞鬼！
青雲與Amy結婚多年一向恩愛，Amy早前指老公嚴禁她行性感，每次出門更要經過青雲「審批」。有見及此，記者即笑問青雲會否審慎地為老婆挑選威尼斯影展晚裝？青雲即鬼馬回應：「我邊係啲咁嘅人？﹗（有冇信心爭影帝？）要贏都應該係導演杜琪峯先啦，我只不過當去陪佢行吓啫。」
古仔傷腳被玩
談到古仔腳傷，青雲及黃奕分別送上慰問，黃奕更笑說：「古仔傷咗第二日，我同佢喺廣州一齊出席活動，我見到佢用拐杖，仲以為係個名牌幫佢特製嘅，後來見佢影相企都企唔穩，先知佢真係傷，我咪走過去扶佢，佢就話好痛，我最唔明點解佢咁痛，但個樣都係木無表情嘅。」葉璇亦在旁加把口開古仔的玩笑說：「佢又肥又老又多白頭髮，依家仲跛埋添！」
文：影視組