郭政鴻送祝福 超雲多謝Bro
郭政鴻與陳山聰稱兄道弟，於數年前在飯局中認識何超雲，郭政鴻不時與超雲在微博交流。近日超雲公開與山聰的情侶關係，並在微博上載與父親、媽咪、超蓮及山聰的「一家五口」合照，郭政鴻隨即留言恭賀：「感受到妳的快樂和喜悅，替妳開心，送上衷心的祝福和支持。」超雲昨日凌晨作出回應，更效男友以兄弟稱呼郭政鴻：「多謝你呀，Bro（兄弟）！得閒食飯！我好想見BB女呢，也在此恭敬你！」
記者昨日致電郭政鴻，他坦言待二人安頓好一切，會相約他們出來吃飯，他謂：「我當然戥佢哋開心，兩個都係好朋友，山聰返嚟後我都有同佢聯絡，佢心情好平靜，雖然外間好多唔同報道，但人哋講乜控制唔到，山聰咁大個人，佢識得處理，都有心理準備應付嗰啲問題。」問到郭政鴻之後會否與山聰合作拍李添勝監製的新劇，他笑言：「唔會呀！佢又唔帶挈我，我依家套劇拍到九月，佢套劇九月幾就開呢！」