四太剛返港避談超雲戀事
賭王何鴻燊四太太梁安琪昨日出席活動，提到三房千金何超雲與陳山聰拍拖，她說：「關於我嘅嘢就會講，其他人嘅嘢就唔會回應。（家族嘅嘢答唔答？）梗係唔答啦！（戥超雲開心？）我戥個個開心。我都係啱啱返嚟，把聲沙晒，同埋皮膚敏感a，我都係靠你哋畀料我咋！（何生好開心？）我都有兩日冇見過何生喇！」
提到賭王看過陳山聰的劇集，問她可有看過？四太直言沒有時間收看。再問有否與賭王傾談陳山聰劇集？她說：「有時間都同何生傾公司嘅事，同埋談情啦！」對於有傳她獲賭王送股，四太直指報道無聊，不作回應。
另外，四太兒子何猷亨的女友Sabrina日前被起底，原來Sabrina家底不俗，經常周遊列國，與猷亨可謂門當戶對。