自嘲冇胸拒獻醜 阿Sa出股惑試底線

Twins將於明晚假會展舉行《新城Twins3650演唱會》，蔡卓妍（阿Sa）與鍾欣桐（阿嬌）昨日到排舞室積極排練，特別嘉賓BOYZ及經理人霍汶希到場探班。BOYZ送上一幅油畫為二人打氣，場面熱鬧。Twins表示今次音樂會跟九月假廣州舉行的演唱會完全不同，故此要記熟不同舞步、不同的歌及配合不同歌衫，令她們思緒混亂。

陳偉霆冇時間捧場

提到師姐祖兒日前在演唱會大騷事業線，阿Sa說：「佢搵咗排舞老師個老婆操肌肉，我都想搵佢幫手。（想搵番條事業線？）唔係，我條事業線好難搵架，要搵就搵下低（指住屁股）。我會試，但唔會抱期望囉！不過想個人可以厚身少少，唔好咁薄。」

Twins明晚開騷，與BOYZ積極排舞。

關智斌（左）與張致恒送油畫給Twins作打氣之用。

阿Sa透露男友陳偉霆忙於拍電影，相信音樂會當晚未能捧場。提到陳偉霆於新片打摔跤時或會穿丁字褲上陣，她說：「我唔知喎！我見過佢啲相都只係露上半身。（畀唔畀佢咁做？）拍戲嘛，都係做嘢先咁着啫。」

BOYZ重組嗌緊張

BOYZ成員關智斌（Kenny）表示二人重組再戰樂壇難免心情緊張，但一定會做到最好。曾與何超雲傳緋聞的張致恒（Steven），被問到對方承認跟陳山聰拍拖時，Steven說：「幾好吖！我有短訊恭喜佢，朋友開心就點都會支持。（睇唔睇好？）呢個我唔評論，係佢兩個人之間嘅事。」

文：音樂組