Mini Dress靚腿唔怕露

每逢炎炎夏日，「短打」定必成為潮流之霸，短打之多，有熱褲、有短裙，也有超迷你短裙等，但講到近期跑出就莫過於Mini Dress，長度是膝頭對上的四、五吋，而一眾女星都「裙」情洶湧騷美腿，配搭功力就立見高低，皆因要着Mini Dress首要條件是雙腿夠修長夠直，就算冇先天優勢，都可後天補救。

時裝作家及博客Janice（王麗儀）向眾女教路，表示可從視覺上入手，有轉移或美化效用，不妨多配Chuncky Accessories ，或者四至五吋以上的高跟鞋掩飾一下。

着得好性感，可以襯隻Cocktail大大粒戒指、耳環，又或者幾條手鏈，因為呢款裙係好八十年代，可以着得浮誇啲。

對Ankle Boots令小腿變短，視效上令小腿有少少S形，改襯中靴可以避免尷尬位。

上輕下重配搭，完全Balance唔到，改襯一大抽長頸鏈兼高跟涼鞋，可以散發出骨子裏性感。

條裙淨黑色唔會太搶，又着得個人好Slim，加上佢染咗髮，整體好型好青春。

條裙太簡約，應該襯啲首飾，手鏈同戒指唔可少，靠首飾帶起整個Look。

自暴肥腿與手臂，七十年代Feel長頸鏈唔襯呢條八十年代Feel嘅裙，不如改襯Chuncky款式，效果更佳。

着得好女人，加埋個太太Feel髮型，完全錯晒！可以束個高馬尾、畫條勁粗黑眼線兼搽紅嘴，視覺上唔會咁柔弱。

本身大髀粗，根本唔適合穿太過短嘅Mini Dress，就算着多幾吋高跟鞋都無補於事，不過可以襯番條英品牌Binns頸鏈，會更加有型。

條裙設計簡單得滯，出席活動就唔夠形象鮮明，可以襯件Space Age款頭飾同Metallic。

如果有留意開時裝，又或者近排有睇報章雜誌，不難發現女星們力捧Herve Leger Mini Dress，其賣點以編織效果的鏤空設計，剪裁貼身，凸顯女性曲線。靚衫自然多人欣賞，眾女唔怕撞衫撞到嘭嘭聲都在所不計，但襯法各不同，美感也不同。

王麗儀（Janice Wong），16年前首位時裝編輯赴歐美時裝周為華語媒體報道。她常為香港及海外不少時裝設計比賽擔任評判；而美國CNN旗下亞洲生活時尚網站CNNGo.Com讚譽她為「香港首位真正的時裝權威」，就連香港雅虎則稱譽她為「時裝文化人」。最新暢銷著作《我的時尚騷靈》。