徐子珊為環保拋30萬買車

徐子珊響應環保，月前她特別花費三十多萬購入一輛環保車代步，雖然是花費，但身為藝人的她，私家車出入是有必要，所以她在換車時考慮到環保問題，才以三十多萬入貨：「錢雖然有使出去，但係我計落條數都有着數，因為政府對環保車登記稅有寬減，慳番呢筆錢，同樣達到環保意義，電油都慳番成千蚊，又可豁免停車熄匙，一舉幾得。」
徐子珊愛踩單車，難怪身形fit爆。
徐子珊愛踩單車，難怪身形fit爆。

另外，子珊平日到家附近地方購物，都愛以單車代步，以減少廢氣排放，子珊有這個意識，大有潛質當環保代言人﹗問她踩單車是否為環保？她說︰「唔止，仲可當做運動，fans喺我今年生日送咗駕摺得埋嘅單車畀我，最近拍完劇都有時間，咪踩吓單車，因為我揀凌晨落街踩，以為冇車冇人會舒服啲，點知有人提醒我冇路人好危險，會有遇劫危險，所以我都打算要搵人陪。」

徐子珊平日到家附近購物，都愛以單車代步。
  • 徐子珊平日到家附近購物，都愛以單車代步。