李思捷拍咀戲悶親女友
阮兆祥、王祖藍及李思捷昨到電台受訪，三人主演的《勁抽福祿壽》上映以來票房甚佳，問他們可考慮開拍續集？祖藍說：「都有可能，依家不停寫橋！」祥仔更踢爆思捷跟高海寧拍咀戲時緋聞女友春卷前往監場，但最後卻悶到瞓着，祥仔笑言：「可能佢哋平時好激烈！」
此外，李思捷、阮兆祥、張可頤和林師傑昨日到港島區巡戲院謝票，阮兆祥說：「思捷遲吓開劇，我會同高海寧謝票，為我帶嚟另一種開心。多謝觀眾咁錫我哋，套戲幾好反應，好似搞緊巴士巡遊入屯門、天水圍謝票，我都想去。」可頤則說：「呢套戲我等九粒鐘拍一場戲，重拾番做新人嘅感覺。（向志偉投訴？）佢都冇乜參與！」