「馬交吳佩慈」出位賣胸唔賣口
新進o靚模「馬交吳佩慈」Elaine Wong，早前被本報披露與已婚的美國殿堂級色士風樂手Kenny G相約蒲吧，而為人認識。Elaine前晚「胸」降酒吧宣傳寫真，性感度贏盡撐場的師姐胡心諾（Rainbow），Elaine還潤爆是非o靚模何佩瑜，指她靠把口出位。
早前寫真戰Elaine以派壯陽藥成功出位，加上與名色士風樂手Kenny G相約夜蒲爆緋聞而人氣急升，前晚她在一間酒吧宣傳寫真集，師姐Rainbow特別到場支持。33D cup Elaine身穿低胸裙，勁晒「事業線」。
整容大趨勢
Elaine透露寫真有兩萬本銷量：「寫真喺澳門取景，今次有賭場贊助，因為爹哋媽咪喺賭場做派牌工作。」問到有否留意本地o靚模，她承認有留意Angelababy，然則何佩瑜呢？Elaine說：「佢靠把口出位，我就想靠自己同埋人際網絡。（傳o靚模整容？）本身唔贊成整容，但依家整容好似係大趨勢，都焗住要認同呢樣嘢。」
「做乜報細數」
同場的Rainbow性感度明顯輸蝕，被問到有指o靚模整容及「報細數」時，她闊佬懶理說：「自己唔會整容，父母生成係咁樣，其他人整係佢哋嘅事，但做得出唔怕認囉。（有o靚模報細數？）我係1992年出世，呢個係真相，冇乜要報細吖，成熟有成熟味道。」
文：專案組