周麗淇遇機艙怪客 酣睡被拍

周麗淇（Niki）與陳奐仁（Hanjin）前晚現身活動，Niki自爆從上海回港時遇上「空中怪客」，她說：「坐隔籬嗰個外籍男仔一上機已經係咁用英文同國語問我係咪周麗淇，又問我有冇買股票，之後我瞓咗，突然聽到快門聲，醒咗發現佢彎晒腰企喺我前面，當時好嬲又好驚。」

航空公司保留資料

Niki表示不知對方用意，又怕熟睡時醜態被曝光，事後惟有向空姐投訴及靠同事多加留意網站，以防照片流出，她說：「空姐話見到佢全程喺度影，但因為見到我哋講過嘢，以為係識所以冇阻止。」Niki表示航空公司承諾會保留有關資料，若日後要報警可以提供。

Niki自言明白公眾地方未可阻止別人拍照，但對方行為有欠尊重，她說：「都冇辦法避免，除非連隔籬位都買埋，或者坐私人飛機啫。」

陳奐仁搭上滕麗名

此外，Hanjin為記錄入行十周年的點滴，將於本月推出新碟，他說：「明年2月就入行10年，新碟講述自己嘅喜怒哀樂同起承轉接。」

Hanjin更殺入公仔箱接拍無綫新劇，他透露將與滕麗名飾演一對，又笑言若有親熱戲怕畀人打。」而戲中另有商天娥及張兆輝演出。

採訪：音樂組