唐詩詠為兩餐棄邦投明

將藝人塑造成螢幕情侶，是無綫近年的搵錢策略，唐詩詠與馬國明一連合作三部劇集，包括《鐵馬尋橋》、《真相》和《紫禁驚雷》，詩詠對馬國明認識加深，合作起來亦能愈演愈放，她解釋：「我哋拍《鐵》時唔係太熟，但因為演兄妹關係，感情慢慢累積起嚟。之前嗰套《真相》，我哋做一對相愛嘅情侶，部分親熱場面都係我哋要求加嘅，因為大家互相信任，拍嘅時候亦唔需要避忌。」

大讚好仔

在《紫》劇中，詩詠和馬國明終於結成夫妻，而馬國明一直被視為圈中「筍盤」之一，詩詠笑言已有好多朋友叫她介紹女仔畀馬國明認識：「佢幾好仔o架，可惜唔似陳豪咁識沖咖啡，連奶茶都唔識沖，我都要教佢整多幾杯特色飲品先得。」有傳她與崔建邦已經復合，詩詠不置可否：「唔講呢啲嘞，工作為上。」

詩詠封口不提與崔建邦的關係。	詩詠和馬國明被塑造成螢幕情侶，笑言希望可以拍住上搵真銀。	詩詠嫌馬國明唔識沖咖啡，自言會教對方炮製特色飲品。

改善懶音

詩詠在《紫》劇中戲份雖然不多，但原來是她第一次拍古裝劇，直言還有好多地方需要改善，她說：「因為細個係講印尼同福州話，所以到依家講嘢都會有懶音，我已經搵咗一位電台朋友教我，仲會聽帶嚟改善發音。」

此外，詩詠早前到日本關西、大阪等地拍攝旅遊特輯，她興奮地說：「過程雖然好辛苦，但能夠見識世界文化遺產，真係大開眼界！」

文：專案組 攝：攝影組

服裝及場地：Miss Sixty