陳丹丹奉旨減產湊B

陳丹丹的已八個月大女兒活潑可愛，經過找相士改名後取名鄭裕彤（KAMILLAH）。丹丹表示原本與從事金融行業的丈夫於前年結婚，當一切準備好後，就知道懷孕的好消息，為了安心養胎，一切婚事只好延遲至今年十月。丹丹不諱言：「嗰陣我哋已經訂造晒婚紗、禮服，不過冇辦法啦！依家生咗BB，件婚紗都唔啱身，我哋打算十月擺酒，最終都揀咗去澳門擺，而老公的家人都喺澳洲，佢哋要專登飛嚟出席婚宴，我哋會去澳洲註冊，順道搞一個簡單婚宴。」

勤做運動收身

縱然丹丹湊BB有一手，但其母親因不放心，住在上海的她也不時留港陪伴女兒，幫手照顧孫女。丹丹又大讚裕彤乖巧，甚為好湊，吃飽便瞓，一個月大已開始戒夜奶，問她會否生多幾個時，她笑言：「順其自然啦！不過我貪靚，想苗條啲，依家會勤做瑜伽及打羽毛球收身。」

陳丹丹早前已為婚禮準備婚紗，但生完BB後不合身要再訂造一件。	陳丹丹十月將於澳門舉行婚禮，並會於澳洲註冊。	陳丹丹的老公初為人父，心情興奮更是有女萬事足。

返無綫還騷債

丹丹除了替無綫拍劇外，亦投資了一間製作公司及與楊娜合資開時裝店，不過，現時有女萬事足的她，已沒有繼續經營製作公司及時裝店，她坦言：「婚禮完咗，我要返無綫開工，請咗假咁耐，好多show都未還，至於其他工作，老公都唔想我做，叫我專心湊BB呢！」

文：影視組