王浩信爭上位隨時開戰

王浩信在新劇中成為第二男主角，與胡杏兒、李詩韻及李思捷合作拍攝《換樂無窮》，不過，他並未有自滿現在的事業狀況，反而自喻為帆布鞋，揚言要隨時迎戰，希望接受不同的挑戰：「以前細個成日着『白飯魚』去打波、返學、上體育堂，連返到屋企都着住，不過我覺得依家自己似帆布鞋，呢對鞋畀我嘅感覺係隨時都準備好，係百搭嘅，心態上係所有嘢都係從基本開始，去接受所有嘅挑戰。」

男人30更有魅力

問到最想挑戰的角色？他說：「想拍關於江湖嘅片集，我好鍾意周潤發發哥，佢嘅其中一套成名作係《英雄本色》，所以好想有機會做英雄片。」談到會否離開無綫闖入電影圈？他說：「始終仲有合約，呢樣對我嚟講係被動，現階段繼續磨練演技先，好多人話男人去到30歲先有獨特嘅味道散發出嚟，依家接近啦，希望經過更多嘅歷練。」王浩信又不排除會重操故業，投身樂壇，坦言有興趣唱劇集的主題曲或插曲。

王浩信（右起）榮升為第二男主角，與李詩韻、胡杏兒及李思捷合作。

快將30歲的王浩信不排除重投樂壇。

文：專案組　攝：秦健輝

服裝：Lacoste Footwear、Guess

髮型：Calvin Lam＠Xenter