Crystal放蕩同謙仔脷疊脷

Crystal（張紋嘉）早前除出書升呢做才女外，亦嘗試當演員接拍電視劇《團圓》，劇中她和「大胸男」羅仲謙扮演情侶，因角色是亂搞男女關係的「豪放女」，導演安排她要和另外三位男演員激咀，令性格怕醜的Crystal大呼吃不消：「我嘅感覺係咀完又咀，不停咁咀，我好驚呀，仲同啲唔熟嘅男藝員咀，除羅仲謙外，其餘嗰三位，我連佢哋叫乜名都唔係咁清楚呀。」

對大隻男冇feel

最難忘是甫開工就要拍咀戲，Crystal說：「我係知要拍咀戲，但以為只係蜻蜓點水式咁錫，到入廠時，導演話要脷疊脷嗰種激咀喎，嘩！好嚇人囉。」幸好最終她都完成「任務」，而且NG次數不算多，自問總算交足功課。問她和羅仲謙咀的感覺？Crystal指他很溫柔兼有男士風度，對她這位新人照顧有加，經常主動和她傾偈，以減低她的緊張心情，不過Crystal強調不會和謙仔咀出「愛火花」，因她不愛「大隻男」。

Crystal性格怕醜，為了演好角色豁出去。	羅仲謙有巨胸又靚仔，但他不是Crystal杯茶。	羅仲謙（左二）與HotCha早年已曾合作拍劇。

歌迷呷醋話爆機

Crystal又說自咀戲出街後，歌迷反應不一，有人大讚她演技不錯，不過另一班歌迷醋意大發，她笑說：「佢哋係網上留言，話睇到打爆電視喎。」Crystal欲趁機會澄清：「希望外界唔好誤會我好似劇中角色咁隨便，我唔係蕩女嚟架。」

文：音樂組

場地：Bo-LoGNE@海港城LCX