孫耀威強勢回歸台灣

孫耀威(Eric)為回歸台灣的頭炮新碟,匿埋台灣半年專心創作,默默耕耘當然有回報,除了未被當地歌迷遺忘,更獲唱片公司「開水喉」狂掟銀彈拍MV,令他受寵若驚。

離開台灣樂壇九年的Eric再度出擊,推出最新國語專輯《沒有說再見》。為了新碟創作,Eric年初單人匹馬到台灣做音樂,他說:「當年喺台灣日日去好多地方跑通告,但今次再返去發覺以前熟悉嘅其實都好陌生!可能以前嘅我行得太快,原來錯過好多沿途風景,今次係重新認識台灣。」

拒絕助手相陪

Eric表示唱片公司原打算安排助手陪他到台灣,但他即時婉拒,情願省回一個人的機票食宿,用來給他製作音樂之用。雖然沒人管束,但他沒有偷懶,新碟內八首曲、九首詞都由他創作,以行動答謝一直支持他的人。

Eric的創作誠意成功打動了唱片公司「開水喉」,他開心地謂:「有一日老闆(環球高級副總裁黃劍濤)Send咗個Email畀同事,話MV製作費加碼,由原本五萬一首加碼五倍。初時大家仲以為係搞錯,係咪計錯匯率,求證老闆先知係真。」

女友買碟支持

Eric慶幸未被台灣歌迷和傳媒遺忘:「時代唔同咗,近年有幾多個香港歌手可以打入台灣樂壇?陳奕迅已經係最成功一個。所以今次台灣歌迷同媒體咁歡迎我,令我信心大增。」問到女友陳美詩可會買碟支持?Eric笑言:「佢至少要買我十隻碟啦!我會自動喺佢個家用度扣番。」

文:音樂組 攝:唐豁莊

髮型:Sunny Yu@Hair Cultuer

化妝:Yan Lai

形象:Celia Wong

場地:合江小鎮@麗都酒店